Ukrayna Prezidenti Vladimir Zelenski Ukrayna ordusunun Xerson bölgəsində 3 yaşayış məntəqəsini nəzarət altına aldığını açıqlayıb.
Busaat.az xəbər verir ki, bu barədə Ukrayna Prezidenti Vladimir Zelenski məlumat yayıb.
“Bu gün Ukrayna ordusu Xerson bölgəsində daha 3 yaşayış məntəqəsini nəzarətə götürüb. Sadəcə bu gün Xerson bölgəsində Novovoskresenske, Novogrigorivka və Petropavlivka kimi yaşayış məntəqələri sözdə referendumdan xilas edilib. Mübarizə davam edir. Açıq deyirəm, qış çətin olacaq amma qışı keçirmək üçün qaz, kömür və lazım olan hər şeyi toplayırıq” –deyə, Zelenski vurğulayıb.
Qeyd edək ki, Luqansk vilayətinin Hərbi Administrasiyasının sədri Serqey Qaydai sosial şəbəkə hesabında paylaşım edib: “Bu gün günorta saatlarında Donbasdakı Luqansk bölgəsindəki yaşayış məntəqələrinə nəzarəti bərpa etmək üçün əlavə tədbirlər görülüb. 6 kiçik yaşayış məntəqəsi yenidən Ukrayna ordusunun nəzarəti altına keçib. Səhərə qədər bu say arta bilər” –deyə, paylaşımda bildirilib.
Busaat.az
