
1/8 finalın son 5 iştirakçısı müəyyənləşir - Avro-2020
Bu gün Avro-2020-də qrup mərhələsinə yekun vurulacaq.
Busaat.az xəbər verir ki, E və F qrupunda keçiriləcək oyunlardan sonra bütün 1/8 final cütləri müəyyənləşəcək.
E qrupunda İspaniya Slovakiya ilə qarşılaşacaq. İspanlar qrupdan çıxmaq üçün mütləq qalib gəlməlidir. Slovakiyanı isə heç-heçə də qane edəcək. E qrupunun digər matçında İsveç Polşa ilə üz-üzə gəlkəcək. Birincilər 1/8 finala vəsiqə əldə edibsə, Polşaya qrupdan çıxmaq üçün ancaq qələbə lazımdır.
“Ölüm qrupu” sayılan F qrupunda da isə Fransa pley-offa vəsiqəni təmin edibsə, digər 3 komandanın 1/8 finala çıxmaq şansı var. Almaniya Münhendə Macarıstanla qarşılaşacaq. Bundestim bu görüşdə rəqibinə uduzmasa, Portuqaliya isə Fransa ilə matçda heç-heçə etsə, hər iki komanda pley-offa yüksələcək.
Turun mərkəzi matçında isə Avropa çempionatının son finalçıları qarşılaşacaq. Portuqaliya Avro-2020-nin finalında məğlub etdiyi, son dünya çempionu Fransa ilə üz-üzə gələcək.
23 iyun
Avro-2020
3-cü tur
E qrupu
20:00. Slovakiya – İspaniya
Baş hakim: Byörn Kuypers (Niderland)
Sevilya. “Kartuya” stadionu
20:00. İsveç – Polşa
Baş hakim: Maykl Oliver (İngiltərə)
Sankt-Peterburq. “Sankt-Peterburq” stadionu























