İngiltərənin Şrusberi şəhərindəki qocalar evinin 103 yaşlı sakini Hilda Kross uzunömürlülüyünün sirlərini açıb. O, bunda sevimli spirtli içkilərinin böyük rol oynadığına inanır.
Busaat.az xəbər verir ki, bu barədə “Shropshire Star” məlumat yayıb.
Kross 21 fevral 1920-ci ildə Boltonda anadan olub. İkinci dünya müharibəsi zamanı o, camaşırxanada işləyib, orada Alfred Krossla tanış olub və 1944-cü ildə onunla evlənib. İki il sonra həyat yoldaşı işdən çıxarılaraq polis orqanlarına keçib. Təqaüdə çıxdıqdan sonra həyat yoldaşı ilə birlikdə Trefnant kəndindəki bir evə köçüb. 2001-ci ildə Krossun əri 90 illik yubileyindən əvvəl vəfat edib.
Qadın COVID-19 pandemiyası zamanı təsadüfən yıxılaraq ayağını sındırıb. 100 yaşına qədər öz evində yaşayıb. Bundan sonra Kross qocalar evinə köçmək məcburiyyətində qalıb.
O, 103 yaşını ailəsi ilə qeyd edib: iki övladı, beş nəvəsi və səkkiz nəticəsi var.
Kross uzun ömrün açarının hər zaman aktiv olması və hər hansı işlə məşğul olması ilə əlaqələndirib. Bundan əlavə, o, ən çox sevdiyi spirtli içkilərə görə bu qədər uzun ömür sürdüyünə inanır: “Mən hər axşam şam yeməyində bir stəkan brendi və ya şərab içməyi xoşlayıram”.
O, romanlar, qadın jurnalları oxumaqdan, zərif geyinməkdən və insanların gəzintisinə baxmaqdan zövq alır. Qocalar evinə köçməzdən əvvəl Kross bağçılıqla məşğul olub, çoxlu gəzintilər edib.
