4 güləşçimiz AÇ-nin yarımfinalında

image-guleshaz14backend

Polşanın paytaxtı Varşavada güləş üzrə Avropa çempionatı start götürüb.

İlk yarış günündə 57, 65, 70, 79 və 97 kq-da çıxış edən sərbəst güləşçilər mübarizə aparır.

Busaat.az  xəbər verir ki, Əfqan Xaşalov ilk görüşdə yunan rəqibinə vaxtından əvvəl qalib gəlib.

Həmyerlimiz daha sonra rumıniyalı güləşçiylə gərgin keçən görüşdə də sevinən tərəf olub və yarımfinala adlayıb.

Əli Rəhimzadə startda erməni güləşçini məğlub edib. Gürcüstan təmsilçisini də yolundan kənarlaşdıran Əli adını yarımfinala yazdırıb.

Turan Bayramov 1/8 finalda Böyük Britaniya təmsilçisini çətinlik çəkmədən üstələyib. Türkiyə güləşçisi ilə qarşılaşma gərgin mübarizə şəraitində keçib. Bayramov hesabda 3:2 öndə olarkən rəqib zədələndiyi üçün görüş saxlanılıb və həmyerlimiz yarımfinala yüksəlib.

Rəşad Yusifli debütdə polşalı həmkarı üzərində inamlı qələbə qazanıb. Rəşad bolqar idmançını da məyus edərək 1/4 finala yüksəlib. Belaruslu həmkarından da güclü olan Yusifli yarımfinala vəsiqə qazanıb.

Şamil Zubairov rumıniyalı idmançı xalça üzərinə çıxmadığı üçün növbəti mərhələyə yüksəlib. Ancaq 1/4 finalda türkiyəli rəqibinə uduzub.

Qeyd edək ki, yarımfinal görüşləri Bakı vaxtı ilə saat 20:00-da başlayacaq.

57 kq
1/8 final: Əfqan Xaşalov – Yannis Martidis (Yunanıstan) 10:0
1/4 final: Əfqan Xaşalov – Razvan Kovaçs (Rumıniya) *3:3
1/2 final: Əfqan Xaşalov – Naçın Monquş (Rusiya)

65 kq
1/8 final: Əli Rəhimzadə – Gevorq Tadevosyan (Ermənistan) 2:1
1/4 final: Əli Rəhimzadə – Şmaqi Todua (Gürcüstan) 9:4
1/2 final: Əli Rəhimzadə – Zaqir Şaxiyev (Rusiya)

70 kq
1/8 final: Turan Bayramov – Nikolae Koyokaru (Böyük Britaniya) 10:0
1/4 final: Turan Bayramov – Haydar Yavuz (Türkiyə) 3:2 (rəqib zədələnib)
1/2 final: Turan Bayramov – İqor Nikiforuk (Ukrayna)

79 kq
1/16 final: Rəşad Yusifli – Andrey Sokalski (Polşa) 9:0
1/8 final: Rəşad Yusifli – Oktay Hasan (Bolqarıstan) 3:0
1/4 final: Rəşad Yusifli – Andrey Karpaç (Belarus) 7:4
1/2 final: Rəşad Yusifli – Sayfedin Alexma (Fransa)

97 kq
1/8 final: Şamil Zubairov – Albert Saritov (Rumıniya) +:-
1/4 final: Şamil Zubairov – Süleyman Karadeniz (Türkiyə) 4:6

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90