ABŞ Nümayəndələr Palatası Bayden administrasiyasının rəsmilərindən məlumat tələb edərək koronavirusun mənşəyi ilə bağlı araşdırmaya başlayıb.
Busaat.az xəbər verir ki, bu barədə Associated Press (AP) məlumat yayıb.
AP-nin məlumatına görə, Nümayəndələr Palatasının Nəzarət Komitəsində koronavirusla bağlı alt komitə prezident Baydenin keçmiş baş tibbi müşaviri Entoni Fauci də daxil olmaqla bir neçə nəfərdən məlumat istəyib. Hazırda virusun Çin laboratoriyasından sızması ilə bağlı fərziyyə araşdırılır.
“Bu təhqiqat virusun harada və necə meydana gəldiyi ilə başlamalıdır ki, biz onun yenidən baş verməsini proqnozlaşdırmağa, qarşısını almağa cəhd edə bilək”, – deyə Respublikaçı Brad Wenstrup bildirib.
Busaat.az
