ABŞ müsbət yanaşarsa, İran nüvə sazişini bərpa etməyə hazırdır – Səfir

ABŞ siyasi iradə nümayiş etdirərsə, İran nüvə proqramı üzrə sabit razılaşmaya hazırdır.

Busaat.az xəbər verir ki, bunu İranın Rusiyadakı səfiri Kazım Cəlali “İzvestiya” qəzetinə müsahibəsində bildirib.

“İran həmişə müsbət və sabit saziş bağlamağa hazır olduğunu bəyan edib. Əgər Birləşmiş Ştatlar güclü siyasi iradə nümayiş etdirərək İranın milli maraqlarını və JCPOA (İran üzrə Birgə Hərtərəfli Fəaliyyət Planı) üzrə digər tərəflərin maraqlarını nəzərə alarsa nüvə proqramı istiqamətində sazişin əldə olunmasına nail olacağıq” – deyə, diplomat təkid edib.

Qeyd edək ki, 2015-ci il iyulun 14-də İran və altı beynəlxalq vasitəçi (Rusiya, Böyük Britaniya, Çin, ABŞ, Fransa və Almaniya) İranın nüvə proqramı ilə bağlı məsələnin həlli ilə bağlı razılığa gəliblər. Onlar tərəfindən hazırlanmış Birgə Kompleks Fəaliyyət Planı 2015-ci il oktyabrın 18-dən qüvvəyə minib.

Busaat.az