Venesuela prezidenti Nikolas Maduro ölkəsi ilə ABŞ arasında baş verən son insidentlərin iki ölkə arasındakı gərginlikdən çox ABŞ tərəfindən təcavüz olduğunu və hökumətlər arasında heç bir əlaqənin olmadığını bildirib.
Busaat.az bu barədə “Reuters”ə istinadən xəbər verir.
Tramp administrasiyası narkotik qaçaqmalçılarına qarşı mübarizə çərçivəsində Karib dənizinin cənubundakı ABŞ hərbi varlığını gücləndirib. Bu ay ABŞ ordusunun hücumu nəticəsində 11 nəfər həlak olub və Tramp administrasiyasının qanunsuz narkotik daşıdığını bildirdiyi Venesuela gəmisi batıb.
Maduro bildirib ki, ABŞ hökuməti ölkəsinə qarşı cinayətkar hücuma haqq qazandırmağa çalışır.
Venesuela prezidenti deyib: “Bu, gərginlik deyil. Bu, bütün cəbhələrdə təcavüzdür, bu, bizi cinayət hesab edəndə məhkəmə təcavüzü, gündəlik hədələyici bəyanatları ilə siyasi təcavüz, diplomatik təcavüz və davam edən hərbi təcavüzdür”.
Yeganə
