
ABŞ öz vətəndaşlarını Belarusu tərk etməyə çağırdı
ABŞ Belarusda olan vətəndaşlarını ölkəni tərk etməyə və bu ölkəyə səfər etməməyə çağırıb.
Busaat.az xəbər verir ki, bu barədə məlumatı ABŞ-ın Dövlət Departamenti yayıb.
“Rusiyanın Ukrayna ilə sərhəddə qeyri-adi və narahatedici hərbi fəaliyyətinin artması səbəbindən Belarusda olan və ya Belarusa səfər etməyi planlaşdıran ABŞ vətəndaşları vəziyyətin gözlənilməz olduğunu və bölgədə yüksək gərginliyin müşahidə edildiyini bilməlidirlər”, – deyə məlumatda qeyd olunub.
Həmçinin bildirilib ki, konkret olaraq xarici vətəndaşlara qarşı yönələn təqib və yaxud saxlanılma, koronavirusa yoluxma ehtimalı və digər səbəblərə görə amerikalıların Belarusda olması təhlükəlidir: “Belarusda olan ABŞ vətəndaşları dərhal kommersiya və yaxud şəxsi nəqliyyatla ölkəni tərk etməlidirlər”.























