Vaşinqton və Hanoy ikitərəfli ticarət məsələləri üzrə razılaşma əldə ediblər.
Busaat.az Bakıvaxtı.az-a istinadən xəbər verir ki, bunu ABŞ Prezidenti Donald Tramp “Truth” sosial şəbəkəsində yazıb.
“Mən indicə Vyetnamla ticarət müqaviləsi bağladım. Təfərrüatlar sonra veriləcək”, – o qeyd edib.
Tramp aprelin 4-də bildirib ki, Vyetnam rəhbərliyi ABŞ mallarına tətbiq edilən bütün tarifləri qaldırmağa hazır olduğunu deyib.
ABŞ hakimiyyətinin məlumatına görə, 2024-cü ilin sonuna ABŞ və Vyetnam arasında ticarət dövriyyəsi təxminən 149,6 milyard dollar təşkil edib. ABŞ-dən Vyetnama tədarük 13,1 milyard dollar, Vyetnamdan ABŞ-yə isə 136,6 milyard dollar dəyərində qiymətləndirilir.
