Ailə hüququ insanların gündəlik həyatında böyük rol oynayan və cəmiyyətin əsas strukturlarından biri olan ailə institutunun hüquqi əsaslarını təşkil edir. Bu sahə, ailə münasibətlərinin hüquqi tənzimlənməsi və ailə üzvlərinin hüquqlarının qorunmasını təmin edir.
Azərbaycanda ailə hüququ ilə bağlı məsələlər daim aktualdır və cəmiyyətin rifahı üçün əhəmiyyətlidir. Müasir dövrdə ailə hüququ sahəsində bir çox problemlər və müzakirə olunan mövzular mövcuddur ki, onların həlli cəmiyyətin hüquqi maarifləndirilməsi və qanunvericilik islahatları ilə mümkün ola bilər.
Ailə hüququ ilə bağlı aktual mövzuların araşdırılması və müvafiq tədbirlərin görülməsi, ailələrin hüquqlarının qorunması və onların rifahının təmin edilməsi üçün vacibdir.
Busaat.az bu barədə araşdırma etmək üçün hüquqşünasa müraciət edib.
Bu mövzuda öz fikirlərini bölüşən gənc hüquqşünas Ayxan Məmmədli deyib ki, ailə zorakılığı məsələsi xüsusi diqqət tələb edir:
“Ailə zorakılığı halları yalnız fiziki deyil, həm də psixoloji və emosional təsirlərə malikdir. Bu halların qarşısının alınması və qurbanlarının hüquqlarının müdafiəsi üçün qanunvericilikdə dəyişikliklərin edilməsi və yeni proqramların tətbiqi vacibdir. Azərbaycanda bu sahədə müəyyən addımlar atılsa da, hələ də bu problemin tam həlli üçün daha geniş miqyaslı işlərin görülməsi tələb olunur”.
Boşanma prosesi də ailə hüququnun mühüm mövzularından biridir. Boşanma zamanı əmlakın bölünməsi, uşaqların qəyyumluğu və aliment məsələləri ilə bağlı danışan Ayxan Məmmədli bildirib:
“Bu sahədə qanunvericilikdə olan boşluqların doldurulması və boşanma prosesinin daha ədalətli və şəffaf şəkildə həyata keçirilməsi üçün islahatlara ehtiyac var. Valideynlik məsuliyyətinin bərabər bölünməsi və uşaqların hüquqlarının qorunması xüsusilə diqqət mərkəzində olmalıdır.Nikah müqavilələri də ailə hüququnda aktuallığını qoruyan mövzulardandır. Nikah müqavilələri tərəflərin əmlak məsələlərində daha aydın və razılaşmış qaydada davranmasını təmin edir. Bu müqavilələrin hüquqi gücü və onların pozulması hallarında tətbiq edilən tədbirlər haqqında məlumatların artırılması lazımdır”.
Hüquqşünas ailə zorakılığı mövzusunu da toxunub:
“Ailə zorakılığı qurbanlarının hüquqlarının müdafiəsi və onlara göstərilən yardımlar cəmiyyətin sağlamlığı və təhlükəsizliyi üçün böyük əhəmiyyət kəsb edir. Bu mövzunun aktuallığı həm sosial, həm də hüquqi baxımdan diqqət mərkəzindədir.Ailə zorakılığı halları yalnız fiziki deyil, həm də psixoloji və emosional təsirlərə malikdir. Bu halların qarşısının alınması və qurbanlarının hüquqlarının müdafiəsi üçün qanunvericilikdə dəyişikliklərin edilməsi və yeni proqramların tətbiqi vacibdir”,- A.Məmmədli fikrini belə yekunlaşdırıb.
