Altmış altı milyon il əvvəl Yerə nəhəng meteorit düşüb və dinozavrların kütləvi məhvinə səbəb olub. Bu, əksər alimlərin fikridir.
Busaat.az xəbər verir ki, amerikalı alimlərin “Science Advances”da dərc edilən son araşdırması bir sıra maraqlı versiyanın ortaya çıxdığını göstərir.
Meteor zərbəsindən əvvəl, zamanı və sonra meydana gələn bir sıra nəhəng vulkan püskürmələri də sürünənlərin həyatını çətinləşdirib. Püskürmələr zamanı buraxılan qazlar Günəş işığının qarşısını kəsib və ehtimal ki, əsrlər boyu dinozavrlar üçün rahat olmayan atmosferi əhəmiyyətli dərəcədə soyudub.
“Bu soyuq hava iqlimi o qədər dəyişib ki, dinozavrların həyatını çətinləşdirib və meteorit hadisəsi çevriliş olub. Bu, son məhv hadisəsi idi, lakin meteorit düşdüyü zaman onlar yaxşı vəziyyətdə deyildilər”, – müəllif və Makqill Universitetinin geokimyaçısı Don Beyker deyib.
Bəzi araşdırmalara görə, Yer kürəsinin temperaturu meteorit düşmədən xeyli əvvəl aşağı enib. Lakin alimlər bunun səbəbini müəyyən edə bilməyiblər, buna görə Beyker və komandası vulkanik izahat axtarıblar.
Alimlərin fikrincə, meteorit dinozavrların məhvi üçün məşhur nəzəriyyədir, lakin vulkan püskürmələri başqa bir mübahisəli izahatdır. Sübutlar dünyanın ən böyük vulkanik əyalətlərindən birində, “Dekkan” tələləri kimi tanınan yerdədir. İndiki Hindistanın qərb-mərkəzi hissəsində yerləşən bu ərazidə dinozavrların nəsli kəsildiyi zaman böyük lava axınları var idi.Report
