Bundestaq (Almaniya Federativ Respublikası Parlamenti) növbədənkənar iclasında Almaniya kansleri Olaf Şolsa etimad məsələsi ilə bağlı debat və səsvermə keçirəcək.
Busaat.az “Milliyet”ə istinadən xəbər verir ki, Almaniya kansleri konstitusiyanın 68-ci maddəsinə uyğun olaraq, dekabrın 11-də parlamentə etimad səsverməsi üçün yazılı sorğu göndərib.
Məlumata əsasən, onun Bundestaqa gəlişi ilə müzakirə və səsvermə arasında ən azı 48 saat keçməlidir ki, parlamentarilərə qərar qəbul etmək üçün kifayət qədər vaxt verilsin. Parlamentdə kanslerin öz xahişinin əsaslandırmasını təfərrüatlı şəkildə açıqlaması və ölkənin mövcud daxili siyasi şəraitdə tutmalı olduğu gələcək yolu göstərməsi gözlənilir.
Hökumət başçısı parlamentdə 25 dəqiqəlik çıxış edəcək, ardınca isə təqribən iki saatlıq fraksiyalararası müzakirələr aparılacaq. Daha sonra səsvermə baş tutacaq.
Əgər deputatlar Şolza etibar etməkdən imtina edərlərsə, qanuna görə, kanslerin təklifi ilə 21 gün ərzində Almaniya prezidenti parlamenti buraxmaq məcburiyyətində qalacaq.
