Almaniya Litvaya qoşun və texnikanın köçürülməsinə yönəlmiş iri hərbi təlimlər keçirir.
Busaat.az xəbər verir ki, Almaniyanın hərbi rəhbərliyi Rostok limanında Baltikyanı səfirlər və digər ölkələrin zabitləri ilə birlikdə hərbi texnika ilə yüklənmiş bərənin polis, korvet, minaaxtaran və helikopterin müşayiəti ilə limandan Klaypedaya getməsinə tamaşa edib.
Hərbi ekspertlər həmçinin havada və suda pilotsuz uçuş aparatlarının ələ keçirilməsini nümayiş etdirib, “Eurofighter” təyyarələri limanın üzərindən uçub.
“Quadriga” adlı təlimə Almaniya Hərbi Dəniz Qüvvələri və onun müxtəlif komponentləri rəhbərlik edir, Ordu və Hərbi Hava Qüvvələri də iştirak edir. 14 ölkədən 8 mindən çox hərbçi iştirak edir.
Onlara Baltik sahillərindəki bütün NATO ölkələri, həmçinin ABŞ, İngiltərə, Fransa və Kanada daxildir. Almaniya ordusu təlimdə 40 gəmi, 20 təyyarə və 1800-dən çox yol nəqliyyat vasitəsinin iştirak etdiyini bildirib.
Yeganə
