Apple məhsullarının satışları 2022-ci ilin sonlarından dəyər itirməyə başlayıb. Populyar iPhone satışları 8 faizdən çox, Mac kompüterlərinin satışlarında isə 29 faiz azalma qeydə alınıb.
Busaat.az xəbər verir ki, texnologiya nəhənginin satışları dekabr ayına qədər olan üç ayda 2021-ci ilin eyni dövrü ilə müqayisədə 5 faiz azalıb.
Bu, 2019-cu ildən bəri ən böyük eniş hesab olunur.
Apple rəhbəri Tim Cook bildirib ki, satışların azalmasının əsas səbəbi telefonların istehsal olunduğu Çində dolların və digər bahalaşmaların yaratdığı tədarük çatışmazlığından qaynaqlanıb.
Cookun sözlərinə görə, Apple məhsullarının satışlarının azalması dünyanın bütün ölkələrində müşahidə edilir.
Qeyd edək ki, ümumilikdə şirkətin mənfəəti 13 faiz azalıb.
Busaat.az