Avtomobillərin utilizasiyası mərkəzləri gələn ildən fəaliyyətə başlaya bilər.
Fevralın 1-dən ölkə daxilində olan avtomobillərdən texniki baxış zamanı, xaricdən gətirilənlərdən isə gömrük rəsmiləşdirilməsi zamanı utilizasiya haqqı alınır. İdxal edilən avtomobillərin utilizasiya haqqı istehsal tarixi 4 ildən 7 ilə qədər olanlar üçün 400 manat, 7 ildən yuxarılar üçün isə 700 manatdır. Texniki baxış zamanı isə bu ödəniş avtomobilin ilindən asılı olaraq 10 manatdan 40 manata qədərdir. Statistikaya əsasən ölkədə 10 ildən çox yaşı olan avtomobillərin sayı 80% təşkil edir. Bəs proses hazırda hansı mərhələdədir?
Nəqliyyat eksperti Eldəniz Cəfərovun sözlərinə görə, artıq Avtomobillərin Utilizasiyası Fonduna müəyyən məbləğdə vəsait toplanıb.
Ekspert vətəndaşlar arasında utilizasiya prosesinin məcburi olacağı ilə bağlı yayılan məlumatlara da toxunub.
Utilizasiyanın nə vaxt başlayacağını öyrənmək üçün prosesi həyata keçirəcək olan “Təmiz şəhər” Açıq Səhmdar Cəmiyyəti ilə əlaqə saxladıq. Qurumdan “Xəzər Xəbər”ə bildirildi ki, “Tullantılar haqqında” qanunda nəqliyyat vasitələrinin utilizasiyası ilə bağlı sentyabrın 1-də qüvvəyə minmiş müddəalara uyğun olaraq utilizatorların qeydiyyatı aparılır. Hazırda prosesin həyata keçirilməsi məqsədilə yaradılan infrastruktur və proqram təminatı sınaq mərhələsindədir.
Xezerxeber.az-ın mövzu ilə bağlı daha ətraflı videomaterialı təqdim edirik.
“Azərbaycan Respublikası Dövlət Təhlükəsizliyi Xidmətinin hərbi qulluqçularının aylıq vəzifə (tarif) maaşlarının məbləğləri” yeni redaksiyada təsdiqlənib.
Bu ilin yanvar ayında Azərbaycan iqtisadiyyatında muzdla çalışan işçilərin orta aylıq nominal əməkhaqqı ötən ilin eyni dövrünə nisbətən 12,8% artaraq 1 063 manat təşkil edib.
“Brent” markalı neftin qiymətinin qlobal ucuzlaşması və məzənnənin dəyişməsi Türkiyədə yanacaq qiymətlərinə təsirsiz ötüşməyib. News24.az xəbər verir ki…
Bakının Nərimanov rayonu ərazisində yerləşən evlərin birində müvəqqəti yaşayan şəxsin həmin ünvanda kirayənişin qalan 2 nəfərin mobil telefonunu oğurlaması…
Nazirlər Kabineti “Rəqabət Məcəlləsinin tələbləri tətbiq edilməyən və ya məhdud tətbiq edilə bilən hallar, fəaliyyət sahələri və məhsullar”ı təsdiq edib.