Xəbər verdiyimiz kimi, 2024-cü ilin dekabrında Azərbaycan Hava Yollarına (AZAL) məxsus sərnişin təyyarəsinə atəş açan döyüş ekipajına Dmitri Sergeyeviç Paladiçuk rəhbərlik edib.
Busaat.az xəbər verir ki, “Minval Politiko” hadisə ilə bağlı daha bir məlumat əldə edib.
Məlumata görə, AZAL-a məxsus EMBRAER 190 reysinin vurulması əmrini Hava Hücumundan Müdafiə Qoşunlarının 51-ci diviziyasının komandiri general-mayor Tolopilo verib. Bu barədə həmin əmri alaraq, kapitan Paladıçuka ötürən polkovnik-leytenant Orlyanski bildirib.
Hesabatlara görə, raket qurğusunun heyəti Tolopilonun operativ tabeliyində olub. Bu isə 16 dekabr 2024-cü il tarixli rəsmi raportla təsdiqlənib. General məsuliyyətdən yayına bilib, günahı dispetçerlərin üzərinə ataraq, raketlərin “öz-özünə məhv olduğunu” iddia edib — bu versiya daxili istintaq tərəfindən təkzib edilib.
Faciədəki roluna baxmayaraq, Tolopilo nəinki cəzalandırılıb, əksinə daha vəzifəyə yüksəldilib.
BakuPost
