Azərbaycan Ermənistanla uzunmüddətli sülh əldə etmək istəyir - Prezident

“Biz uzunmüddətli sülhü təmin etmək əzmindəyik və öz tərəfimizdən inanırıq ki, sülhün nəhayət əldə olunması üçün kifayət qədər konstruktiv təkliflər irəli sürmüşük”.

Busaat.az xəbər verir ki, bu barədə prezident İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin sammiti çərçivəsində rusiyalı həmkarı Vladimir Putinlə görüşü zamanı bildirib.

“Biz görüşəndə heç vaxt regional problemləri, təhlükəsizlik məsələlərini və regionda sülhə nail olmağın yollarını nəzərdən qaçırmırıq. Bu gün biz də bu barədə danışacağıq. Biz uzunmüddətli sülhü təmin etmək əzmindəyik və öz tərəfimizdən inanırıq ki, sülhün nəhayət əldə olunması üçün kifayət qədər konstruktiv təkliflər irəli sürülüb” –deyə, İlham Əliyev qeyd edib.

Qeyd edək ki, Bakı İrəvana iki ölkə arasında münasibətlərin normallaşdırılması üçün bir-birinin suverenliyinin qarşılıqlı tanınması, sərhədlərin və ərazi bütövlüyünün toxunulmazlığı, ərazi iddialarının olmamasının təsdiqi kimi beş əsas prinsipdən ibarət təklifini təqdim edib.

Busaat.az