ABŞ senatının üzvləri Ermənistana qarşı Azərbaycanın hücumunu pisləyən qanun layihəsini təqdim edib.
Busaat.az xəbər verir ki, layihəni ABŞ Senatının Xarici işlər Komitəsi naziri demokrat Robert Menendez və nüfuzlu respublikaçı senator Marko Rubio təqdim edib.
ABŞ Senatının Xarici işlər Komitəsinin dünən təqdim etdiyi layihə Azərbaycan-Ermənistan sərhəddində baş verən son qarşıdurmanı Azərbaycanın Ermənistana qarşı hücumu olaraq dəyərləndirib. Bu qanun layihəsi təhlükəsizlik məsələləri üçün ABŞ tərəfindən rəsmi Bakıya ayrılan yardıma dərhal son verilməsinə, erməni müharibə əsirlərinin sərbəst buraxılmasına çağırır. Eyni zamanda, layihədə Azərbaycanın müharibə cinayəti işlədiyi və bu səbəbdən Bakıya sanksiya tətbiqi məsələsi də müzakirə olunur.
Qanun layihəsi Azərbaycanı Ermənistanın ərazi bütövlüyünə hörmət etməyə, ABŞ-ı Ermənistan və “Arsax xalqı”na insani yardımlar etməyə çağırır.
Qeyd edək ki, senator Menendez əvvəl də Coe Baydenə Azərbaycana təhlükəsizlik məsələlərində ABŞ-dan ayrılan maddi vəsaiti dayandırmaqla bağlı bir məktub göndərib.
Busaat.az
