Azərbaycanın paytaxtı Bakıda Qarabağ Qələbəsinin 2-ci ildönümü münasibətilə yürüşlər keçirilib.
Busaat.az xəbər verir ki, “Zəfər Günü” şənlikləri çərçivəsində Bakının müxtəlif yerlərində keçirilən yürüşlərdə lisey şagirdləri və Qarabağ müharibəsi veteranları iştirak ediblər.
Yürüşdən əvvəl şəhidlərin xatirəsi bir dəqiqəlik sükutla yad edilib, Azərbaycanın Dövlət Himni səsləndirilib. Hərbi orkestrin marşlar səsləndirdiyi yürüşə vətəndaşlar da qatılıb.
Qeyd edək ki, Azərbaycan ordusu Qarabağın rəmzi sayılan Şuşa şəhərini 2 il əvvəl bu gün işğaldan azad edib. 2020-ci il sentyabrın 27-də başlayan əks-hücum əməliyyatları 44 gün davam edib və bu müddət ərzində 300-dən çox yaşayış məntəqəsi işğaldan azad edilib. Azərbaycan ordusunun Şuşaya daxil olması erməni ordusunun dağılmasına səbəb olub və Ermənistan 2020-ci il noyabrın 10-da öz məğlubiyyətini etiraf edərək ordusunu Ağdam, Kəlbəcər və Laçın vilayətlərindən çıxaracağını vəd edən bəyannamə imzalayıb. Azərbaycan Prezidenti İlham Əliyev müharibənin başa çatdığı 10 Noyabr tarixini Mustafa Kamal Atatürkün anım günü olduğu üçün dəyişdirərək, Şuşanın işğaldan azad edildiyi 8 Noyabr tarixini “Zəfər Günü” elan edib.
Busaat.az
