“Ət məhsulları ilə bağlı uzunmüddətdir şikayətlər və monitorinqlər davam edir. Xüsusilədə marketlərdə, bazarlarda və satış məntəqələrində satılan ətlərin keyfiyyətsiz olduğuda artıq monitorinqlər nəticəsiylə görülür”.
Busaat.az bildirir ki, bu mövzuyla bağlı açıqlamanı Qida təhlükəsizliyi Hərəkatının rəhbəri, Sağlam qidalanma mütəxəssisi Məhsəti Hüseynova verib.
“Bu təbii ki, həm böyük baş, həm də quş ətlərinə aiddir. Birinci növbədə məhsullarda qiymət nə qədər keyfiyyət göstəricisi olmasa da, digər məqamdan belə məhsulların maya dəyəri var. Onlardan aşağı satılırsa, bu zaman artıq şübhəli kimi qeydə alınır. Əgər hər hansısa bir toyuğun kilosu 5-6 manatdan başlayırsa, bu 2 manatdırsa, bu heyvanların ya xəstə olduğu və yaxudda hər hansısa problemi olduğu bilinir.
Yaxşı olar ki, sağlamlığına dəyər verən hər bir insanlar bu kimi ətlərdən istifadə etməsinlər. Və xüsusilədə, yay aylarında temperatur yüksək olduğu üçün keyfiyyətli məhsul olsa belə, açıq hava şəraitində satılması onun tərkibinin dəyişməsinə səbəb olur.Kolbasa və sosiska məhsullarına belə bunu aid etmək mümkündür.
Çünki, kolbasa keyfiyyətli şəkildə hazırlanırsa, bu ətin tam ət hissəsindən hazırlanmalıdır. Qığırdaq, dəri, sümük və yeyilməyə uyğun olmayan hissəsindən hazırlamaq olmaz. Lakin, hal hazırda əksər kolbasa fabriklərində istehsal prosesində demək olar ki, heyvanın bütün lazımsız hissələrindən istifadə olunur.Bəzən quş ətindən olan kolbasa və sosiskalarda onları tüklü və peyinli şəkildə satışa çıxarırlar”.Referans.az
