“Hər şeyin razılaşdırılmamasına baxmayaraq Ermənistan mütləq Kollektiv Təhlükəsizlik Müqaviləsi Təşkilatının (KTMT) üzvü olaraq qalacaq”.
Busaat.az xəbər verir ki, bu barədə Rusiya prezidentinin mətbuat katibi Dmitri Peskov jurnalistlərə açıqlama verib.
“KTMT liderləri danışıqlarda Ermənistanda sülhməramlı missiyanın müddətinin uzadılması, eləcə də Ermənistan və Azərbaycan arasında sülh müqaviləsinin taleyini müzakirə edib. Biz məsələni açıq və birbaşa konstruktiv şəkildə müzakirə etdik. Hər şeyi razılaşdırmaq mümkün deyil, müəyyən nüanslar var. Bu mövzu gündəmdədir. Rusiya Ermənistan və Azərbaycan münaqişəsinin nizamlanması prosesində mühüm rol oynamaqda davam edir və bundan sonra da yardım edəcək. Heç kim Ermənistanla Azərbaycan arasında sülh müqaviləsinin imzalanmasını müəyyən tarixə salmağa çalışmır, əsas odur ki, o imzalansın və yaşasın. Ermənistan və Azərbaycanın sülh müqaviləsi ilə razılaşması vacibdir, hər kəs bir-biri ilə rəqabət aparmadan bunun üçün əlindən gələni etməlidir” –deyə, Peskov açıqlamasında qeyd edib.
Busaat.az
