Bakıda 48 yaşlı kişini həyat yoldaşı qətlə yetirib.
Xətai rayon prokurorluğundan Busaat.az-a verilən məlumata görə, Nurani Qalabəylinin yaşadığı mənzildə öldürülməsi barədə rayon prokurorluğuna məlumat daxil olub.
Aparılan araşdırmalar nəticəsində zərərçəkmişin arvadı, 35 yaşlı Əfsanə Qalabəylinin şəxsi münasibətlər zəminində aralarında yaranmış münaqişə zamanı bıçaqla çoxsaylı xəsarətlər yetirərək Nurani Qalabəylini qəsdən öldürməsinə əsaslı şübhələr müəyyən edilib.
Bildirilir ki, N. Qalabəyli kikboksinq üzrə tanınmış məşqçidir. O, “Sərhədçi” idman kompleksində çalışırmış.
Faktla bağlı cinayət işi başlanıb.
