Bakıda barəsində cinayət işi açılan hüquqşünas Nərgiz Rəhimova həbs edilib.
Busaat.az Publika.az-a istinadən xəbər verir ki, bir müddət əvvəl paytaxtın Yasamal rayon sakini N.Rəhimova barəsində polisə şikayət edib.
O bildirib ki, həyat yoldaşı bir müddət əvvəl narkotik vasitələrin qanunsuz dövriyyəsi ilə əlaqədar həbs edilib. Bundan sonra hüquqşünas, 1979-cu il təvəllüdlü Nərgiz Rəhimova ilə tanış olub. N.Rəhimova ona ərinin cəzasını yüngülləşdirəcəyi vədini verib və 12 min 300 manat pul alıb. Lakin sonradan vəd yerinə yetirilməyib və təqsirləndirilən Teyyub Dəmirova 3 il 6 ay həbs cəzası verilib.
Şikayət əsasında Nərgiz Rəhimova barəsində Cinayət Məcəlləsinin 178.2.4-cü (Xeyli miqdarda ziyan vurmaqla dələduzluq etmə) maddəsi ilə cinayət işi açılıb.
Yasamal Rayon Məhkəməsinin 1 mart tarixli hökmü ilə qadın hüquqşünasa 2 il müddətə azadlıqdan məhrumetmə cəzası verilib.
O, cəzasını çəkmək üçün ümumi rejimli cəzaçəkmə müəssisinə göndərilib.
