Banqkokda dekabrın 19-da Banqladeş, Hindistan, Çin, Laos, Myanma və Tailandın nümayəndələri sərhəd təhlükəsizliyi və transmilli cinayətkarlıqla mübarizə məsələlərini müzakirə edəcəklər.
Busaat.az “BBC”yə istinadən xəbər verir ki, bu barədə Tailandın Xarici İşlər Nazirliyi məlumat yayıb.
Məlumata görə, Tailandın xarici işlər naziri Marit Sanqyamfonq 6 ölkənin nümayəndələrinin iştirakı ilə qeyri-rəsmi məsləhətləşmələr keçirəcək. Müzakirələr zamanı sərhəd təhlükəsizliyinin təmin edilməsinə və transmilli cinayətkarlıqla mübarizəyə, xüsusilə narkotiklərin qanunsuz dövriyyəsi və internetdə fırıldaqçılıqla mübarizəyə xüsusi diqqət yetiriləcək.
Həmçinin baş nazir dekabrın 20-də Banqkokda Myanmadakı vəziyyətlə bağlı Beş Nöqtəli Konsensusun həyata keçirilməsini müzakirə etmək üçün xarici işlər nazirləri səviyyəsində maraqlı ASEAN-a üzv dövlətlər arasında genişləndirilmiş qeyri-rəsmi məsləhətləşmələrdə iştirak edəcək.
Zeyd Bağırzadə
