Baxmut şəhərində vəziyyət daha da pisləşdi - Vaqner lideri

Vaqnerin qurucusu Priqojin sosial media hesabında verdiyi açıqlamada Ukrayna prezidenti Volodimir Zelenskinin regionda əks-hücum üçün vaxt lazım olduğunu söyləməsinin həqiqəti əks etdirmədiyini bildirib.

Busaat.az xəbər verir ki, Ukrayna ordusunun Baxmutda intensiv toqquşmalar apardığına diqqət çəkən Priqojin deyib:

“Zelenski yalan danışır, əks-hücumları tam sürətlə davam edir. Baxmut istiqamətində Ukrayna ordusunun bölmələri cinahlara daxil olur və təəssüf ki, bəzi yerlərdə bu uğurludurlar”.

Baxmutda çətin vəziyyətdə olduqlarını açıqlayan Priqojin əlavə edib: “Baxmutda cinahlarda vəziyyət ən pis təxmin edilən ssenariyə görə inkişaf edir”.

Rusiya Müdafiə Nazirliyinin sözçüsü İqor Konaşenkov verdiyi açıqlamada rus qoşunlarının Baxmutun qərb bölgələrində irəliləyişini davam etdirdiyini bildirib.

Hava-desant qüvvələrinin bölgədəki rus əsgərlərinə kömək etdiyini vurğulayan Konaşenkov deyib: “Hava-desant qoşunları onlara kömək edir və Ukrayna əsgərlərini cinahlarda sıxışdırır”.

Busaat.az