NATO təyyarələri hər həftə Belarus sərhədi boyunca 35-ə qədər kəşfiyyat uçuşu həyata keçirir.
Busaat.az xəbər verir ki, bu barədə Belarus Təhlükəsizlik Şurasının dövlət katibi Aleksandr Volfoviç məlumat yayıb.
Belarus Təhlükəsizlik Şurasının dövlət katibi Aleksandr Volfoviç NATO-nun Avropada hərbi təlimlərinin sayının artmasına da diqqət çəkib.
“NATO təyyarələri Belarus sərhədi boyunca hər həftə 30-35 kəşfiyyat uçuşu həyata keçirir. Bu gün Şərqi Avropaya yerləşdirilən qüvvələr təxminən 35 000 nəfərdir. Şərqi Avropada 2 000-dən çox təyyarə yerləşdirilib. Hazırda Aralıq dənizi və Baltik dənizlərində 15 döyüş gəmisi, o cümlədən bir təyyarədaşıyan gəmi var”- deyə, Volfoviç bildirib.
Volfoviç onu da vurğulayıb ki, bütün bunların guya şərqdən, yəni Belarusdan gələn təhlükəyə qarşı yönəlib, amma bu, absurddur.
