Belqrad polisi şəhər administrasiyası binası qarşısında etirazçılara qarşı gözyaşardıcı qazdan istifadə edib.
Busaat.az xəbər verir ki, etirazçılar binaya daxil olmaq üçün yeni cəhd etdilər. Hadisə yerindən TASS və Blic-ə məlumat verilib ki, yerli seçkilərin nəticələrindən narazı qalan etirazçılar qapı-pəncərələri sındıraraq polisə əşyalar atıblar.
Dekabrın 18-də başlayan mitinqləri Belqrad seçkilərinin nəticələrinə etiraz edən “Serbiya Zorakılığa Qarşı” təşkilatı təşkil edib. Dekabrın 24-də etirazçılar şəhər administrasiyasının binasına girməyə cəhd ediblər. Polis əməkdaşları binanı qorumaq üçün sərt müdaxilə etməli olub.
Prezident hesab edir ki, şəhər administrasiyasının binasını ələ keçirmək cəhdi inqilab deyil.
