Beynəlxalq Cinayət Məhkəməsi Ukraynaya 42 nəfərlik heyət göndərdi

image-ukr-1backend

Beynəlxalq Cinayət Məhkəməsinin (ICC) baş prokuroru Kərim Xan Ukraynaya göndərilən nümayəndə heyətinin Ukraynada törədilmiş mümkün “müharibə cinayətləri” və “insanlığa qarşı cinayətləri” araşdıracağını bildirib.

Busaat.az  xarici mediaya istinadən xəbər verir ki, ICC-nin hərəkətə keçərək qanunu işlək hala gətirməyə çalışdığını ifadə edən Xan, “Biz ədaləti təmin edərək sağ qalanların ağrılarını azaltmağı hədəfləyirik” deyib.

Xan, 42 nəfərdən ibarət ekspert komitəsinin ICC-nin indiyə qədər bir ölkəyə göndərdiyi ən böyük tədqiqat qrupu olduğuna diqqət çəkib.

Nümayəndə heyətinə 21 ölkənin kadr və 20 maliyyə töhfəsi verdiyini qeyd edən Xan, komandaya ən çox ekspert dəstəyi verən Hollandiyaya da təşəkkür edib.

Xan bildirib ki, ekspert komitəsi Ukraynanın yerli hakimiyyət orqanları ilə əməkdaşlığı gücləndirərək, araşdırmanın miqyasının müəyyənləşdirilməsində və sübutların toplanmasında mühüm rol oynayacaq.

Xan, ICC tərəfindən aparılan müstəqil istintaqın davamı üçün cinayət tapıntılarının və məhkəmə-tibbi sübutların regionun digər ölkələrindən olan ekspert qrupları ilə birlikdə qorunacağını vurğulayıb.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90