Françeska Albanese: “İşğalı adi iş fəaliyyəti kimi görmək onun bir hissəsi olmaq deməkdir”
BMT-nin işğal olunmuş Fələstin əraziləri üzrə xüsusi məruzəçisi Françeska Albanese Haaqa Qrupuna daxil olan ölkələri İsraillə diplomatik, iqtisadi və siyasi əlaqələri dərhal kəsməyə çağırıb.
Busaat.az xəbər verir ki, Albanese Boqotada keçirilən Qəzza üzrə konfransda bildirib.
O, İsrailin Fələstin xalqına qarşı siyasətini tənqid edərək bildirib ki, baş verənlər “bu siyasətin başlanğıcı yox, zirvəsidir”.
Albanese həmçinin bildirib ki, beynəlxalq münasibətlərdə dəyişikliklər gedir və İsrailin “özünümüdafiə hüququ”nu istismar etməsi, antisemitizm mövzusunda manipulyasiya etməsi artıq keçmişə çevrilir.
“Avropa ölkələrinin bu prosesdə iştirakı zəifdir. Bu isə beynəlxalq hüququn obyektivliyini sual altına alır,” – deyə o əlavə edib.
Aynur İmanova
Busaat.az
