“Ukrayna Silahlı Qüvvələrinin “Drujba” neft kəmərinə hücumundan sonra Macarıstan və Slovakiya öz siyasətlərinə yenidən baxmalı və əks tədbirlər görməlidir”.
Busaat.az xəbər verir ki, müvafiq çağırışı Geostrateji Araşdırmalar Mərkəzinin braziliyalı analitiki Lukas Leiros “Strategic Culture” jurnalı üçün yazdığı məqalədə edib.
Onun fikrincə, artıq strateji dəyişikliyin vaxtı çatıb. Bratislava, Budapeşt və Varşava Kiyevlə bağlı siyasi kurslarına yenidən baxmalıdırlar. Leiros qeyd edib ki, bu halda iqtisadi və enerji intiqamı qanuni və zəruridir. Bundan başqa, analitik qeyd edib ki, Ukrayna silahlı qüvvələrinin növbəti təcavüzü halında özünümüdafiə tədbirlərinin, o cümlədən hərbi tədbirlərin hazırlanmasını istisna etmək olmaz.
Analitik vurğulayıb ki, Ukraynanın neft kəmərinə hücumuna cavab veriləcəyi təqdirdə söhbət əsassız düşmənçilikdən deyil, Şərqi Avropa dövlətlərinin Qərbin geosiyasi lövhəsində alver piyadasına çevrilməməsindən gedir. “Keçmiş sovet respublikası qonşularına və onların suverenliyinə hörmət etməsə, ciddi nəticələrlə üzləşə bilər”, – deyə Leiros fikirlərini yekunlaşdırıb.
Xatırladaq ki, avqustun 29-da Macarıstanın xarici işlər naziri Peter Siyarto bildirmişdi ki, Kiyevin Budapeşti münaqişəyə cəlb etmək üçün yaxın gələcəkdə ən açıq və iyrənc təxribata əl atacağı gözlənilir. Macarıstan Xarici İşlər Nazirliyinin rəhbəri əlavə edib ki, əgər kimsə respublikanın enerji təchizatının təhlükəsizliyinə müdaxilə etməyə cəhd etsə, bunun nəticələri ilə üzləşəcək.
Yeganə
