Macarıstan xalqının iradəsi olmadan Ukraynanın üzvlüyü baş tutmayacaq.
Busaat.az Bakıvaxtı.az-a istinadən xəbər verir ki, bunu Macarıstanın xarici işlər naziri Peter Siyarto “X” hesabında yazıb.
“Ukrayna Xarici İşlər Nazirliyi dünən bildirib ki, macar xalqının Ukraynanın Aİ-yə üzvlüyünə dəstək olub-olmaması ilə bağlı qərar vermək hüququ yoxdur. Ukrayna Xarici İşlər Nazirliyi səhv edir”, – Siyarto qeyd edib.
XİN rəhbəri Macarıstan xalqının iradəsi olmadan Ukraynanın Aİ üzvlüyünün baş tutmayacağını vurğulayıb:
“Hörmətli ukraynalı həmkarlar, Aİ-yə üzvlüklə bağlı qərar verən siz deyilsiniz, Zelenski və Ukrayna hökuməti deyil. Bu qərar bizə – Aİ vətəndaşlarına, o cümlədən macarlara məxsusdur”.
Nazirin sözlərinə görə, Macarıstan Ukrayna ilə inteqrasiya prosesinin bir hissəsi olmaq istəmir:
“Bizi müharibə ilə təhdid edən, enerji təhlükəsizliyimizi riskə atan və fermerlərimizi bir dəfə az qala məhv edən bir ölkə ilə inteqrasiya prosesinin bir hissəsi olmaq istəmirik”.
