Bu gün – Oktyabrın 4-ü Cəbrayıl şəhərinin Ermənistan Silahlı Qüvvələrindən azad edilməsinin 2-ci ildönümüdür.
Busaat.az xəbər verir ki, 2020-ci il 4 Oktyabr tarixində Azərbaycan Silahlı Qüvvələri Cəbrayıl şəhəri və daha 9 kəndi işğaldan azad edib.
2020-ci ilin Oktyabrın 4-də Azərbaycan Prezidenti, Müzəffər Ali Baş Komandan İlham Əliyev xalqa müraciətində Cəbrayıl şəhəri və rayonun 9 kəndinin işğaldan azad edildiyini elan edib.
Ümumilikdə isə İkinci Qarabağ müharibəsi zamanı Cəbrayıl rayonunun 1 şəhəri və 80 kəndi işğaldan azad olunub. Cəbrayılın işğaldan azad edilməsi ilə Azərbaycan-İran sərhədinə dövlət nəzarəti qismən bərpa edilib. Qeyd edək ki, Cəbrayıl rayonu erməni işğalı zamanı vandalizmə məruz qalıb. Rayon ərazisində yerləşən evlər, tarixi abidələr tamamilə dağıdılıb, ağaclar məhv edilib.
Əlavə edək ki, 2016-cı il Aprel döyüşləri zamanı Azərbaycan Ordusunun əks-hücumu nəticəsində Lələtəpə yüksəkliyi düşməndən təmizlənib və Cocuq Mərcanlı kəndi Azərbaycan Ordusunun nəzarəti altına keçib.
Busaat.az
