
“Çelsi” UEFA Super Kubokunun qalibi oldu
Futbol üzrə UEFA Super Kubokunun qalibi məlum olub.
Busaat.az xəbər verir ki, həlledici matçda İngiltərənin “Çelsi” və İspaniyanın “Vilyarreal” komandaları üz-üzə gəlib.
Şimali İrlandiyanın paytaxtı Belfastda keçirilən qarşılaşmanın əsas vaxtı 1:1 hesabı ilə başa çatıb. Əlavə hissələrdə də hesab dəyişmədiyindən qalibi müəyyənləşdirmək üçün penaltilər seriyası oynanılıb.
Burada daha dəqiq olan İngiltərə təmsilçisi 6:5 hesablı qələbə qazanaraq Super Kuboku başı üzərinə qaldırıb.
Qeyd edək ki, “Çelsi” ötən mövsüm Çempionlar Liqasının, “Vilyarreal” isə Avropa Liqasının qalibi olub.
UEFA Super Kuboku
11 avqust
Çelsi (İngiltərə) – Vilyarreal (İspaniya) 1:1 (Penaltilər 6:5)
Baş hakim: Sergey Karasyov (Rusiya).
Belfast. “Vindzor Park” stadionu.























