Çempionlar Liqası ilə vidalaşacaq ilk komanda müəyyənləşdi
UEFA Çempionlar Liqasını vaxtından əvvəl tərk edəcək ilk komanda müəyyənləşib.
Busaat.az xəbər verir ki, ötən gün Liqa mərhələsinin VI turunda öz meydanında İngiltərənin “Aston Villa” klubuna uduzan (2:3) “Leyptsiq” yarışı vaxtından əvvəl tərk edəcək ilk komanda olub.
Almaniya təmsilçisi geridə qalan 6 oyunun hamısında uduzmaqla hazırda bütün komandalar arasında ən pis göstəriciyə malikdir.
Qeyd edək ki, UEFA Çempionlar Liqasının pley-offuna çıxmaq hüququ verən sonuncu – 24-cü pillədə hazırda 7 xalla PSJ (Fransa) qərarlaşıb.
