Cənubi Koreyada təlim uçuşu həyata keçirən hərbi helikopter qəzaya uğrayıb.
Busaat.az xəbər verir ki, bu barədə “Yonhap” agentliyi məlumat yayıb.
Qəza zamanı iki hərbçi həlak olub.
Hadisə yerli vaxtla saat 11:00 radələrində (Bakı vaxtı ilə 06:00) Kyöngido vilayətində baş verib.
Təyyarənin göyərtəsində olan hər iki hərbçi ürək dayanması diaqnozu ilə xəstəxanaya yerləşdirilsə də, onların həyatını xilas etmək mümkün olmayıb. Qəzanın partlayış və ya yanğınla müşayiət olunmadığı bildirilir.
İnsidentin səbəbləri hələ müəyyən edilməyib, faktla bağlı istintaq başladılıb.
