Çoxqütblü dünya nizamı qalib gələcək - Putin

Rusiya prezidenti Vladimir Putin bildirib ki, çoxqütblü dünya uğrunda mübarizə qalib gələcək.

Busaat.az xəbər verir ki, bu barədə Rusiya prezidenti Vladimir Putin “Rossiya 1” telekanalında qiymətləndirmələr edib.

“Çoxqütblü dünya üçün aparılan və beynəlxalq arenada hamıya hörmət etmək, hamının maraqlarını nəzərə almaq üçün təşkil edilən bu mübarizə qalib gələcək, mənim buna şübhəm yoxdur”, – deyə Putin bildirib.

Rusiyanın uğur və qələbələri üçün əsas şərtin xalqın birliyi və bütövlüyü olduğunu vurğulayan Putin əlavə edib: “Xalqımızın birliyi… Bu, sadəcə bir söz deyil, bunu hamımız yaxşı bilirik: Nə vaxt rus xalqı birdir, biz özümüzə bərabərik. Bu, bizim bütün uğurlarımızın və bütün qələbələrimizin əsas şərtidir”.

“NATO Ukraynanın cinayətlərində partnyordur”
Rusiyanın Yeni START sazişində iştirakını dayandırmaq qərarını şərh edən Putin deyib:  “NATO ölkələri Luqansk və Donetskdəki yaşayış məntəqələrini bombalayan Kiyev administrasiyasının cinayətlərində dolayı da olsa şərikdir”.

“Qərbin yalnız bir məqsədi var, keçmiş Sovet İttifaqını və onun əsas hissəsi olan Rusiya Federasiyasını dağıtmaq. O zaman bəlkə bizi sivil xalqlar ailəsinə qəbul edəcəklər, ancaq hər birimizi ayrı-ayrılıqda. Nə məqsədlə? Bu hissələri öz nəzarəti altına almaq üçün”, – deyə Putin sözlərini tamamlayıb.