“Bakıda güclü yağış yağanda görürük ki, bəzi ərazilərdə binalara su dolur”.
Busaat.az xəbər verir ki, bunu Milli Məclisin bu gün keçirilən plenar iclasında deputat Qüdrət Həsənquliyev deyib.
Onun sözlərinə görə, Bakıda bir çox binaların zirzəmiləri su ilə dolub və müraciətlərə baxmayaraq vəziyyəti aradan qaldırmaq mümkün deyil.
Deputat onu da qeyd edib ki, keçən illə müqayisədə binaların tikintisi 36,5% azalıb və insanlar bildirir ki, tikinti üçün icazə almaq çətindir.
“Bundan başqa, 5,9 mərtəbəli binaların giriş qapısı yoxdur və sakinlər bundan narazıdır. Həmin binalara qapıların quraşdırılması tikinti şirkətlərinə verilməlidir. Dünən Anar Quliyev mətbuata açıqlamasında bildirib ki, 200-ə yaxın qəzalı bina var. Bu binalar da sökülüb, yerində müasir standartlara cavab verən binalar tikilməlidir”,-deyə deputat bildirib.
