Derbidən sonra "Qarabağ"da XÜSUSİ GÖRÜŞ - SON DƏQİQƏ

“Qarabağ” rəhbərliyi klubla əməkdaşlığı dayandıran Elmir Kərimovla görüşüb.

Tərəflərin üz-üzə gəlməsi Premyer Liqanın 24-cü turunun “Qarabağ” – “Neftçi” (1:1) matçından sonra Ağdamlıların bazasında gerçəkləşib.

Gənc fotoqraf “Qarabağ” rəhbərliyinin dəvəti ilə
klubun ofisinə gəlib.

Tərəflərin xoş məcrada keçən söhbəti gecə saatlarına kimi davam edib.

“Qarabağ” rəsmiləri başverənlərə görə Elmirdən üzrxahlıq edib, narahatlıq keçirdiklərini dilə gətiriblər.

Belə vəziyyətin yaranmasını istəmədiklərini, sadəcə anlaşılmazlıqdan xoş olmayan durum ortaya çıxdığı onun diqqətinə çatdırılıb.

Və sonda bildirilib ki, klubun qapıları onun üzünə hər zaman açıqdır. Ondan xahiş olunub ki, tezliklə işinə geri dönsün.

Xəbər verdiyimiz kimi, bir neçə gün əvvəl Elmir Kərimov uzun müddətdir əməkdaşlıq etdiyi klubdan ayrılmışdı.

Səbəb isə avrokubok matçlarında bir oyuna aldığı 100 manat qonorarın 50 manata azaldılmasına etiraz etməsi olmuşdu.

Yayılan xəbər qısa müddətdə ictimaiyyətdə ciddi narazılıqla qarşılanmışdı.

Sportinfo