Dövlət Xidməti: "Bu il sahibkarlar istehlakçılara 217 min manatadək vəsaiti geri qaytarıb"
Bu ilin yanvar-iyul aylarında istehlakçı hüquqlarının müdafiəsi və istehlak bazarına nəzarət sahəsində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə daxil olan 1 463 müraciət təmin olunub.
Bu barədə Busaat.az-a Dövlət Xidmətindən bildirilib.
Bu, 2022-ci ilin analoji dövrü ilə müqayisədə 9,8 % çoxdur. Təmin olunan müraciətlər nəticəsində 216 878 manat vəsait sahibkarlıq subyektləri tərəfindən istehlakçılara geri qaytarılıb, 36 501 manat məbləğində dəymiş ziyan ödənilib.
