Əcnəbi futbolçular Novruz Bayramı ilə bağlı imtahandan keçdilər - VİDEO
“Sabah” klubu Novruz Bayramı ərəfəsində maraqlı addıma əl atıb.
Busaat.az xəbər verir ki, Bakı klubu bu bayramla əlaqədar əcnəbi oyunçularını sınaqdan keçirib.
Belə ki, serbiyalı qapıçı Saşa Stamenkoviç, eyni ölkəni təmsil edən müdafiəçi Filip İvanoviç, Qvineya əsilli fransalı yarımmüdafiəçi Amadu Diallo və Konqo əsilli fransalı hücumçu Kevin Kubemba Azərbaycanın milli bayramı ilə bağlı suallara cavab verməyə çalışıblar.
Novruz Bayramı imtahanından ən yaxşı çıxan isə beş ildən çox Azərbaycanda oynayan, “Neftçi”nin sabiq futbolçusu Saşa Stamenkoviç olub.
