“Fənərbağça”nın təcrübəli futbolçusu Edin Ceko klubdan ayrıldığını elan edib.
Busaat.az Oxu.Az-a istinadən xəbər verir ki, bu barədə o, sosial media hesabından etdiyi paylaşımda bildirib.
“Vidalaşma vaxtı gəldi. Yolları ayırmaq heç vaxt asan olmur, xüsusən də “Fənərbağça” kimi bir klub sizi bu qədər dərin təsirləndirdisə.
Son iki il ərzində mənə ailə istiliyi hissi verən hər kəsə sonsuz təşəkkürlər: Komanda yoldaşlarıma, məşqçilərimə, klub işçilərinə və pərdə arxasında böyük səylə çalışan bütün əməkdaşlara.
Ən xüsusi təşəkkür hər şəraitdə komandanı sevgi ilə dəstəkləyən sizə. “Fənərbağça”nın əsl ürəyi sizsiniz. Sizi həmişə ürəyimdə daşıyacağam.
Hər gün, məşqlərdə və meydanda əlimdən gələnin ən yaxşısını etməyə çalışdım.
Bəlkə arzuladığımız kuboklara çata bilmədik, amma “Fənərbağça” kimi köklü və şərəfli bir klubun formasını geymək mənim üçün təsviredilməz bir qürur idi. Yaşa “Fənərbağça!”, – Ceko yazıb.
