Əfqanıstanın şərqindəki Kunar əyalətində bazar günü gecə baş verən 6 bal gücündə zəlzələ nəticəsində ölənlərin sayı 1400-ü ötüb.
Busaat.az xəbər verir ki, Əfqanıstan Qızıl Aypara Cəmiyyəti “X” sosial media platformasında zəlzələ ilə bağlı təfərrüatları paylaşıb.
Əfqanıstan Qızıl Aypara Cəmiyyəti zəlzələdə ölənlərin sayının 1400-ü keçdiyini, yaralıların sayının isə 3251-ə yüksəldiyini açıqlayıb. Qızıl Aypara Cəmiyyəti üç şərq əyalətində 8 mindən çox evin dağıldığını, çox sayda insanın dağıntılar altında qaldığını və xilasetmə işlərinin davam etdiyini bildirib.
Rəsmilər yaralıların təxliyəsinin davam etdiyini qeyd edərək, ölənlərin sayının dəyişə biləcəyini vurğulayıb. Səlahiyyətlilər zəlzələ nəticəsində yaranan sürüşmələrin bəzi bölgələrdə yolları bağladığını, lakin çətin gedilən ərazilərə girişi təmin etmək üçün yolları yenidən açacaqlarını bildiriblər.
Yeganə
