Avropalı alimlər ildırımın qarşısını alan lazerin yaradılmasına nail olublar.
Busaat.az xəbər verir ki, İsveçrədə aparılan araşdırma nəticəsində alimlər lazerlə ildırımın qarşısını ala biləcək sistem hazırlayıblar.
Bu yeni lazer sisteminin 6 saat ərzində dörd ildırım vurmasının qarşısını aldığı bildirilərkən, yüksək tezlikli lazerlərin 60 metr yüksəkliyə çata bildiyi də qeyd edilib. Araşdırmaya rəhbərlik edən Cenevrə Universitetindən Jean-Pierre Wolf deyib: “Bizim tədqiqatımız lazer əsaslı mühafizə sistemi ilə hava limanlarını, uçuş zonalarını və ya elektrik stansiyasını qorumağa imkan verəcək”.
Alimlər bu ixtiranı tamamlamaq üçün 20 ildir araşdırma apardıqlarını açıqlayıblar. Alimlər lazerlərin saniyənin trilyonda birində atıldığını və saniyədə 1000 atış edildiyini bildiriblər. Lazerlərin yollarında olan hava molekullarını ionlaşdırdığı bildirilərkən, tədqiqatın istifadə sahəsinin də genişlənəcəyi ifadə edilib.
Araşdırmada iştirak edən elm adamları bildirib: “Əlbəttə, lazer ildırım çubuqları hələ tam qorunma təmin etmir. Amma bununla bağlı işlər hələ də davam edir”.
Busaat.az
