Elm adamları dost olmaq üçün lazım olan müddət barədə elmi araşdırma aparıb. Araşdırmada dost münasibətlərinin tam bərqərar olması üçün neçə saat sosiallaşmanın lazım olduğu vurğulanıb.
Busaat.az xəbər verir ki, İngiltərədə həyata keçirilən araşdırma nəticəsində sağlam və davamlı dostluqların formalaşması formulları izah edilib.
Oxford Universitetinin professoru Robin Dunbar rəhbərliyində aparılan araşdırmada təxminən 2 000 yetkinə ən yaxın dost münasibətləri barədə suallar verilib. Cavablar ətrafında ümumi dəyərləndirmə aparılıb və məlum olub ki, ən yaxın və davamlı dostluq münasibətlərinin qurulması üçün 34 saat birlikdə sosial fəaliyyətlər keçirmək yetərlidir.
Eyni zamanda mütəxəssislər qeyd edib ki, birlikdə keçirilən 36 saat vaxtın müxtəlif fasilələrlə 6 ay ərzində həyata keçirilməsi münasibətləri daha da sağlamlaşdırır.
Dunbar fərdlərin bütün həyatı boyunca 5 yaxın dostu, 15 yaxşı dostu, 50 birlikdə vaxt keçirdiyi dostu və ümumiyyətlə toplam 150 tanışının ola biləcəyini qeyd edib.
Dunbara görə, dostluq münasibətləri insanın fiziki və psixoloji sağlamlığına təsir edən əsas faktorlardan biridir.
Busaat.az
