Ərdoğan HƏMAS-ı terror təşkilatı hesab etmir 

Türkiyə prezidenti Rəcəb Tayyib Ərdoğan Fələstinin radikal HƏMAS hərəkatını terror təşkilatı kimi tanımır.

Busaat.az xəbər verir ki, o, bu barədə Amerikanın “Fox News” telekanalına müsahibəsində bildirib.

“Mən HƏMAS-ı terror təşkilatı hesab etmirəm. Əksinə, müqavimət hərəkatı hesab edirəm”, -deyə Ərdoğan vurğulayıb.

Türkiyə lideri qeyd edib ki, HƏMAS-ın hərbi potensialı yalnız İsrailin hücumlarına qarşı özünü müdafiə etmək üçün kifayətdir.

2023-cü il oktyabrın 7-də Fələstinin radikal HƏMAS hərəkatının silahlı tərəfdarlarının Qəzza zolağından İsrail ərazisinə daxil olması, sərhəd yaşayış məntəqələrinin sakinlərini öldürməsi və 250-dən çox insanı girov götürməsi Yaxın Şərqdə kəskin şəkildə gərginləşib.

Buna cavab olaraq İsrail HƏMAS-ın hərbi və siyasi strukturlarını məhv etmək və oğurlananların hamısını azad etmək məqsədi ilə anklavda hərbi əməliyyata başlayıb.

Yeganə