Ərdoğan Qəzza zolağında atəşkəs razılaşmasını alqışlayıb

Busaat.az xəbər verir ki, Türkiyə prezidenti Rəcəb Tayyib Ərdoğan Fələstin HƏMAS hərəkatı ilə İsrail arasında əldə olunan Qəzza zolağında atəşkəs razılaşmasını dəstəklədiyini və razılaşmanın bölgəyə fayda verəcəyinə ümid etdiyini bildirib.

“Həmas və İsrail arasında atəşkəs razılaşmasını alqışlayırıq. Ümid edirik ki, onlar bölgəmizə və bütün bəşəriyyətə, xüsusən də Fələstinli qardaşlarımıza fayda verəcək, eləcə də daimi sülh və sabitliyə zəmin yaradacaqlar”.

Ərdoğanın qeyd etdiyi kimi, Türkiyə zülm və zalımlarla mübarizədə fələstinli qardaşlarını heç vaxt tərk etməyib.

Türkiyə lideri əlavə edib: “Biz Qəzza xalqını eyni şəkildə dəstəkləməyə, onların yaralarını sağaltmaq və ayağa qalxmalarına kömək etmək üçün bütün imkan və vasitələrimizi səfərbər etməyə davam edəcəyik”.

“Qəzza torpaqlarını müqəddəs qanları ilə sulayan bütün şəhidlərimizi ehtiramla yad edir, atəşkəs razılaşmasının xeyirli olmasını Uca Yaradandan diləyirəm”, – deyə Ərdoğan bildirib.