Türkiyə prezidenti Rəcəb Tayyib Ərdoğan Cənubi Qafqazda tezliklə sülhün bərqərar olacağına əminliyini ifadə edib.
Busaat.az xəbər verir ki, onun sözlərinə görə, Ağ Evdə sazişlərin imzalanması Ermənistanla Azərbaycan arasında normallaşma prosesinə əhəmiyyətli təkan verib.
Ərdoğan qeyd edib ki, tərəflər fikir ayrılıqlarının əksəriyyətini aradan qaldırıb və sülh sazişinin yekun mərhələsinə yaxınlaşırlar.
O, həmçinin həm Azərbaycan prezidenti İlham Əliyev, həm də Ermənistanın Baş naziri Nikol Paşinyanla ətraflı danışıqlar apardığını bildirib və hər iki liderin eyni istiqamətə baxdığını vurğulayıb. Ərdoğan əmindir ki, sülhün əldə olunması region üçün yeni imkanlar açacaq: dəmir yolu və avtomobil əlaqələri bərpa olunacaq, sərhəd keçidləri açılacaq ki, bu da ilk növbədə ticarətə müsbət təsir göstərəcək.
Onun sözlərinə görə, bundan bütün region ölkələri, o cümlədən Türkiyə faydalanacaq.
“Zaman keçdikcə həm Rusiya, həm də İran qorxularının əsassız olduğunu anlayacaqlar”, – deyə Ərdoğan fikirlərini yekunlaşdırıb.
Yeganə
