“Biz bilirik ki, İsrail güclü reaksiya və sanksiyalar olmadan qısa müddətdə dayanmayacaq, əksinə, işğalçılıq və sabitliyi pozmaq siyasətini sürətləndirəcək”.
Busaat.az xəbər verir ki, bunu Türkiyə prezidenti Rəcəb Tayyib Ərdoğan deyib.
“Biz bunun qarşısını almaq üçün gücümüz olduğunu anlayırıq. İndi bəzi sahələrdə özümüzü təmin etməliyik. Bu, ilk növbədə çəkindirici müdafiə sənayesi və inkişafa aiddir. Bilmənizi istəyirəm ki, sizinlə, qardaşlarımızla öz imkanlarımızı və təcrübəmizi bölüşməyə hazırıq.
İnanıram ki, qarşıdakı onilliklərdə qalib gəlmək üçün bu sahələrdə əməkdaşlığımızı indi gücləndirməliyik”, – deyə Ərdoğan qeyd edib.
Ərdoğan iqtisadi baxımdan da İsrailə təzyiq göstərməyə çağırıb:
“Əvvəlki təcrübə göstərir ki, belə addımlar nəticə verir. Türkiyə il yarım müddətinə İsraillə bütün ticarət əməliyyatlarını dayandırıb. Beləliklə, ildə 9,5 milyard dollardan imtina etmişik”.
Yeganə
