“Mançester Siti”nin hücumçusu Erlinq Haaland karyerasını “PSJ”də davam etdirə bilər.
Busaat.az xəbər verir ki, bu barədə El Chiringuito məlumat yayıb.
Mənbənin sözlərinə görə, Paris rəhbərliyi komandanın hücumçusu Kilian Mbappe ilə müqaviləni uzatmağa nail ola bilməsələr, Haalandın transferini öz üzərinə götürəcək. Qeyd olunur ki, “PSJ” artıq futbolçunun planlarını öyrənmək üçün 23 yaşlı norveçlinin agenti ilə əlaqə saxlayıb.
Erlinq Haaland 2022-ci ildən “Mançester Siti”də çıxış edir. Futbolçunun klubla müqaviləsi 2027-ci ilə qədərdir. Ötən mövsüm Haaland bütün yarışlarda 53 matçda iştirak edib, 52 qol və 9 məhsuldar ötürmə ilə yadda qalıb.
Kilian Mbappe 2018-ci ildən “PSJ”də çıxış edir. Fransız forvardın klubla müqaviləsi 2024-cü ilə qədərdir.
