Ermənilər Qarabağdan niyə qaçır?

44 günlük savaş bitdikdən sonra Qarabağa qaytarılan ermənilər ərazini tərk edir. Busaat.az xəbər verir ki, Rusiya sülhməramlılarının himayəsi altında Qarabağa qaytarılan ermənilərin təqribən 30 faizi 2021-ci ilin 40 günü ərzində İrəvana qayıdıb. Bunu erməni ictimai fəal Nora Ayvazyan deyib. İctimai fəalın sözlərinə görə Qarabağa savaşdan sonra geri dönən ermənilərin orada yaşamağın mənasız olduğunu açıqlayır. Nora Ayvazyan bunu belə əlaqələndirib:”1992-ci ildən sonra Qarabağa köçən ermənilər artıq başa düşürlər ki, Qarabağ onların yeri deyil. Onlar açıq başa düşürlər ki, qısa zamandan sonra onlar Xocalıdan, Ağdərədən, Xocavənddən qovulacaqlar. Sonda bu qovulma Xənkəndində olacaq. Ona görə ağıllı ermənilər indidən Qarabağı tərk edirlər. Əgər azərbaycanlılar imkan versə belə, sadə erməninin Qarabağda yaşaması mümkün deyil. Çünki azərbaycanlılar indi 40-50 il öncəki vəziyyətdə deyillər. Onlar o zaman erməniləri öz dostları kimi qəbul edirdilər. İndi isə onlar kimin kim olduğunu başa düşürlər. Qarabağdan qaçan ermənilər qaçqın statusu alaraq Avropaya üz tutmağı planlaşdırırlar. Artıq İrəvanda adi arayışlar 1500-2000 min dollara satılır. Yəni Qarabağı Paşinyan hökuməti döyüşsüz Azərbaycana verəcək.”
Rusiya sülhməramlılarının açıqlamalarına görə Qarabağda savaşdan sonra 52 min erməni qaytarılıb. Erməni itcimai fəal Nora Ayvazyan hesab edir ki, bu erməni ailələrindən təqribən 30 faizi 15 mini geri İrəvana qayıdıb.